Samson er 9 år og hamnar i mange rare situasjonar. Dei skriv han om i dagboka si, som me er så heldige at me får lese. Eller: Strengt tatt får me jo ikkje det, for boka startar med ei åtvaring om at det ikkje er fint å lese andre sine dagbøker.
Samson skal på klassetur til skitrekket, men det går på ingen måte etter planen. Det skjer seg allereie i bussen om morgonen. Samson et så mykje ostepop at han spyr, og det skjer dessverre i sekken der både læraren sin PC og Alva sin bamse ligg. Alva må ha bamsen for å få sove. Korleis kan ein gjere noko slikt godt igjen?
Ein gut som Samson er heller ikkje skapt for ein dag i skiløypene, for å seie det slik.
Dette er den andre boka i serien Katastrofedagbøkene. Serien byr på mange innblikk i det som går litt på tverke i Samson sitt liv, skrive med ein god dose humor.
Katastrofedagbøkene passar for barn i alderen 6–9 år.
Utdrag frå boka:
