«Eg har ete månen», seier eg.
«Kva?» seier pappa.
«Ja, månen var ein banan, nam-nam.
Han er i magen no.
Sjå! Ute er det heilt mørkt.»
I denne diktsamlinga møter vi ein gut med rik fantasi. Gjennom dikta følger vi Krølle frå morgon til kveld. Han elskar å leike!
Dikta til Anker Eysajan viser fram magien i kvardagen, og speglar verda som barn lagar seg heime. Boka er nydeleg illustrert av Hildne Hodnefjeld.
