Helene Guåker: Høgspenning livsfare
I Høgspenning livsfare møter vi Lea. Ho kjem frå ein gard. No har ho nettopp byrja på musikk- og dramalinja på vidaregåande skule. Ho bur på hybel og kjenner ingen. Heime på garden ligg mamma i senga. Ho vil ikkje stå opp, uansett kva pappa eller Lea gjer. Kva er det med mamma?
Antoine de Saint-Exupéry: Den vesle prinsen
Flygaren De Saint-Exupéry naudlandar med fly i Sahara. Kva skal han gjere? Tørst blir han óg. Plutseleg dukkar den vesle prinsen opp, og dei kjem i samtale.
Sigrid Agnethe Hansen: Ser du dette?
Anna går på ungdomsskulen. Ho og familien har nettopp flytta frå Tromsø og til ein mindre by i nord, dit bestemor bur. Bestemor er kul, ho, og ein god venn av Anna. Kanskje den einaste vennen ho har, faktisk. Men flyttinga er gjort fordi Anna treng å starte på nytt, med ny skule og nye venner. Anna har flytta frå eit rykte.
Hilde Myklebust og Akin Duzakin: Ylva og villgeitene
Ylva og pappa er på veg til sommarhuset, som ligg ved havet. Men dei er ikkje åleine under dei bratte fjellsidene. Villbukken Svartskjegg og geiteflokken hans held også til her. Det same gjer ørna.
Kristoffer Kjølberg: Visste du at …? FLY, BÅT og BIL
Desse tre bøkene inneheld mange artige og interessante fakta om båtar, bilar og fly.
Lars Mæhle og Monica Egeli: Gjett ordet med Lurivar – Andre ord
Gjett ordet med Lurivar er andre boka om ordspionen Lurivar. Det er ei god historie med enkel tekst og sjarmerande illustrasjonar, skapte for å stimulere og inspirerer ferske lesarar.
Ingelin Røssland: OMG
I OMG møter vi Maria på 15 år. Livet handlar om å bryte grenser og gjere opprør. Å feste, status i flokken, hærverk, å erobre unge menn med raske bilar og å skaffe seg seksuell røynsle.
Magnhild Bruheim: Avlyst på grunn av sorg
I Avlyst på grunn av sorg blir kjærleikssorg, svik, vennskap, omsorgssvikt og livsvilje tematisert. Vi møter Eline ved oppstart av vidaregåande skule.
Jo Salmson og Jimmy Wallin: HJELP! Det brenn!
Ein liten hund skadar poten sin då han trakkar på knust glas i parken. Stakkar! Slik kan vi ikkje ha det! Linn, Leonita og vennene i gata bestemmer seg for å ta ansvar og rydde parken for søppel og alle glasbitane som er der. Dei samlar avfallet ved søppelbøtta. Dei gjer ein kjempejobb og feirar med piknik. Men då det byrjar å lukte svidd i graset der glasbrota ligg, endar den fine dagen nesten med katastrofe ved at det byrjar å brenne.
Anders Totland og Line Halsnes: Ut i rommet
Alva drøymer om å reise ut i rommet. Må ho vente til ho blir stor? Pappa fortel historiene om dei som har vore på månen til no.
Laura Djupvik og Camilla Kuhn: Jenta i kista
For over hundre år sidan budde det ein glad familie i eit stort og gammalt hus. Då var det leik og moro, inne og ute, høgt og lågt, dagen lang. No står huset tomt. Det har det gjort lenge. Det einaste som er att, er ei gammal kiste på loftet. Ingen orkar å bu i det gamle huset. Det kjennest kaldt og utriveleg, og av og til kan ein høyre bankelydar om natta. Ein dag blir kista opna …
Rune Belsvik: Fugleguten
I Fugleguten let forfattaren oss bli kjende med det indre livet til ein gut på kanskje 8-9 år, og korleis han oppfattar seg sjølv og livet han lever.
Rakel Helmsdal, Kalle Güettler og Áslaug Jónsdóttir: Monsterbesøk og Monsterknipe
Dei to nye bøkene om Veslemonster, Storemonster og den nye venen Raggmonster er parallelle historier som kan lesast kvar for seg.
Roald Dahl (omsett av Ragnar Hovland): Charlie og sjokoladefabrikken
Charlie Bucket lengtar fortvila etter å ete noko meir enn kål og kålsuppe. Men endå meir ønskjer han å kome inn i Willy Wonka sin enorme sjokoladefabrikk. No har Wonka, den mest fenomenale sjokoladefabrikant i verda, gøymt fem gullbillettar i sine ekstremt nydelege sjokoladar.
Roald Dahl (omsett av Ragnar Hovland): Georgs magiske medisin
Georg gjer aldri noko som er rett i bestemor sine auge, så når det er tid for medisinen hennar, bestemmer han seg for å gi henne ein dose av sitt eige spesielle brygg.