Martin Baldysz: Vardane
Vardane er den andre romanen til Martin Baldysz, og handlinga går føre seg ein namnlaus plass på Vestlandet. Vi møter eit umiskjenneleg vestnorsk fjord- og fjellandskap, i farne tider, kanskje på 1800-talet eller tidleg 1900-tal, då historiene om huldrefolket levde mellom bygdefolket.
Anders Totland og Kristian Krohg-Sørensen: Norske sjørøvarar
Har du høyrt om Kaptein Krok, Jack Sparrow eller Kaptein Sabeltann? Papegøyar, trebein og svarte flagg med hovudskallar er assosiasjonar som raskt dukkar opp. Sjørøvarar har lenge appellert til utfalding av fantasi i bøker og filmar. Det er ofte i det eksotiske Karibia at sjørøvarane held til, men i denne boka møter vi vaskeekte norske sjørøvarar. Noreg har vore ein sjøfartsnasjon i uminnelege tider, og det viser seg at vi har sjørøvarar, vi også.
Asbjørn Rydland: Terra Victoris
Bli med på ei handlingsfylt reise fram i tid til det eldgamle Istanbul i år 2193. Istanbul har framleis gamleby og basarar, men elles er verda mykje forandra. Ei klimakrise og trusselen frå kunstig intelligens førte menneska på jorda ut i ein krig der alle nasjonar vart utraderte, og der dei rike danna store verdsomspennande selskap som kontrollerer og overvaker alt og alle.
