Er du interessert i fotball? Har du lyst til å lese kule fakta om tre norske fotballstjerner? Då kan du lese dei tre nye «Visste du at …?»-bøkene om Antonio Nusa, Erling Braut Haaland og Martin Ødegaard. Her får du vite spennande fakta om livet deira – som kva dei har fått til på bana, og kva interesser dei har.
Faktabøkene er ein del av Leseland-serien til Samlaget. Dei passar for barn i aldersgruppa 6–9 år. Kvart oppslag har fine og morosame illustrasjonar av Magne Taraldsen som gjer det lettare og kjekkare å lese vidare. Kanskje blir du overraska? Kanskje lærer du noko nytt? Kanskje får du lyst til å gå ut og spele fotball sjølv?
Så kva ventar du på? Finn fram bøkene og les – og kanskje skårar du ditt eige mål etterpå? God lesing!
